Veiðitorg notar vafrakökur

Með því að ýta á samþykkja eða halda áfram að nota Veiðitorg samþykktir þú skilmála um vafrakökur (cookies). Frekari upplýsingar um vafrakökur má finna á allaboutcookies.org.

Vatnsdalsá á Barðaströnd

Fluga & net ehf
Sími: 820-2200
Netfang: ebe@fluga.net
Vefsíða: www.fluga.net

 

Vatnsdalsá - Lax, bleikja, sjóbirtingur

Vatnsdalsá og Vatnsdalsvatn er laxveiði- og silungsveiðisvæði, í miðju friðlandi í Vatnsfjarðar á sunnanverðum Vestfjörðum. Selt er í Vatnsdalsá í heilum hollum og leyfilegt er að veiða á tvær stangir samtímis. Hollin eru 2ja og 3ja daga og báðar stangirnar seldar í einum pakka.  Fjöldi stanga í Vatnsdalsvatn er ótakmarkaður.

Fluga og net er söluaðili fyrir Vatnsdalsá og Vatnsdalsvatn og má finna nánari upplýsingar og fróðleik á vefsíðu félagsins, fluga.net

Aðgengi að ánni og vatninu er yfirleitt gott, vegur liggur beggja vegna neðri árinnar og vegur er meðfram vatninu og neðsta hluta efri árinnar.  Ganga verður frá sumarbústað og upp efri hluta efri árinnar og tekur það uþb 30 mín.

Veiðisvæðið Vatnsdalsár er í raun efri á, sem rennur í Vatnsdalsvatnið og neðri áin sem rennur úr vatninu til sjávar. Efri áin eru um 2. km löng og neðri áin er tæpur 1 km. Neðri ánni má skipta í veiðisvæði, ofan brúar, Breiðan, sem er frá brú niður að fossum og svo neðan fossa. Efri ánni er skipt í 3 megin svæði, glúfur og niður að Austurá, Smalahellu, sem er miðjusvæðið niður að sumarbústað og svo neðsta svæðið sem er frá bústað og niður að vatni. Innifalið í veiðileyfi í Vatnsdalsá eru 4 stangir í Vatnsdalsvatn.
Veiðisvæði Vatnsdalsvatns er merkt með skiltum, sem eru við ósa efri árinnar og við útfall vatnsins (við svokallað Kofanes)

Í Vatnsdalsá er veiðitímabilið 1. júlí - 16. september.   
Veiðitímabil Vatnsdalsvatns er frá 1. júní til 30. september.

Í Vatnsdalsá er veiðitími frá kl. 8-13 og 15-22. Á síðasta degi holls er veitt til kl 12. 
Veiðitími í Vatnsdalsvatn er frá kl 8-22.

Veitt er á samtals 2 stangir.

Eingöngu heimilt að veiða með flugu í Vatnsdalsá, en allt agn á stöng leyft í Vatnsdalsvatni.

Sleppa verður ÖLLUM laxahryggnum og hængum yfir 70 cm. Einungis má taka 1 laxahæng per stöng að hámarki með eftir veiðina. Sleppa á allri bleikju og sjóbirtingi sem er undir 35 cm.

Vatnsdalsá er síðsumarsá, og því er lax að byrja að ganga í byrjun júlí en þá veiðist stærsti fiskurinn.  Bleikja veiðist bæði í efri og neðri á allt sumarið.  Lax gengur öllu jöfnu ekki upp í efri ánna fyrr en í ágúst, en þó fer það eftir tíðarfari.  Séu rigningar í júlí gengur hann fyrr upp í efri ánna.  Veiði hefur verið 1 lax per stöng á dag að jafnaði.  Bleikjuveiði að jafnaði 5-7 bleikjur á stöng á dag.  
Veiðistaðir við Vatnsdalsvatnið eru í ósum efri árinnar, á svokallaðri Viteyri fyrir miðju vatninu að vestanverðu, Kofanes, sem er neðst í vatninu.  Að austan verðu við vatnið eru Lambagil og Hvaleyri veiðistaðir.

Aðgangur að veiðihúsi er innifalið í veiðileyfi fyrir Vatnsdalsá. Um 20 fm bjálkakofi sem er útbúinn fyrir 4.  Veiðikofinn Stöng er staðsettur á svokölluðu Pennunesi við Hótel Flókalund. Stöng er útbúin með 12v raflýsingu og gasupphitun og gaseldavél.  Rennandi kalt vatn og vatnsklósett er í veiðikofanum.  Veiðimenn koma með rúmföt sjálfir.  Lyklar af veiðihúsinu ásamt veiðibók er hægt að nálgast hjá Jóhanni á Brjánslæk, sem er um 6 km. vestur af veiðihúsinu, 5-7 mín akstur.  Veiðimenn geta mætt í veiðihúsið kl 14 í upphafi holls en verða skila húsinu kl 13 daginn sem hollið endar.

Sunray shadow, rauðar og svartar Fransis, Þýsk snælda, Héraeyra, púpur, Svartur nobbler

Alla veiði á að færa í rafræna veiðibók Vatnsdalsár á Veiðitorg.is.

Vatnsdalsá og Vatnsdalsvatn eru í friðlandinu í Vatnsfirði.  Veiðimenn verða að fara að öllum fyrirmælum landvarðar og reglum um friðlýst svæði.

Veiðimenn eru beðnir aka ekki um ótroðnar slóðir nema með leyfi landeigenda. Einnig eru veiðimenn beðnir um að sýna landeigendum og öðrum veiðimönnum tillitssemi, ganga vel um landið og skilja ekki eftir rusl við ána.

Veiðileyfi fást ekki endurgreidd. Kaupandi skuldbindur sig til að skrá alla veiði samviskusamlega í rafræna veiðibók. 

Veiðileyfi Veiðibók Skrá veiði