Svartá í Bárðardal

Karfa
Karfan er tóm

Svartá í Bárðardal

Svartárkot: Elín Baldvinsdóttir s:464-3267
Víðiker: Páll Kjartansson s:464-3282
Bjarnastaðir: Ólafur Ólafsson s:464-3218


Svartá í Bárðardal

Svartá í Bárðardal á upptök sín í Svartárvatni annarsvegar og hinsvegar í lindum í Suðurárbotnum við Ódáðahraun.  
Úr Svartárvatni renna um 7 m3 af nokkuð hlýju og oft þörungalituðu vatni um 8 km leið uns Suðurá sameinast.  Suðuráin er er lindá og því talsvert kaldari og að auki mun vatnsmeiri.  Frá ármótum Svartár og Suðurár eru tæpir 10 km niður að mótum við Skjálfandafljót.   Veiðisvæðið allt er því um 20 km, Svartárkot heitir ofan ármóta við Suðurá en Víðiker og Bjarnarstaðir neðan ármóta.  Svartá er einstaklega frjósöm, með fjölbreyttu lífríki, umhverfið er einstakt en hún rennur í og við hraunjaðar og veiðistaðir afar fallegir og fjölbreytilegir.  Margir nefna að hún sé einsog litla systir Laxár í Mývatnssveit, en afskekktari og friðsælli.  

Svartárkot:  Elín Baldvinsdóttir 464-3267
Víðiker:  Páll Kjartansson  464 3282
Bjarnastaðir: Ólafur Ólafsson  464 3218

Svartá í Bárðardal er um 80 km austan Akureyrar.  Ekið er að Goðafossi og upp með Skjálfandafljóti, uns komið er að Svartá og að lokum að Svartárkkoti - en þar endar vegurinn!  Ef farið er að vestanverðu - sem er ögn skárri vegur -  má ekki gleyma að að fara austur yfir brúnna, sem er tæpum kilómeter sunnan við Kiðagi.  

Svartá í Bárðardal er þrjú veiðisvæði:
Svartárkot: Frá Svartárvatni og að ármótum við Suðurár.  3 stangir (hægt að bæta þeirri fjórðu við)
Víðiker: Frá ármótum við Suðurá og allur vesturbakkinn að ármótum við Skjálfandafljót en austurbakkinn að Grjótá.  4 stangir (hægt að bæta þeirri fimmtu við) 
Bjarnastaðir: Austurbakkinn frá Grjóta og að ármótum við Skjálfandafljót.  2 stangir

1. júní - 31. ágúst

Veiðitími er 12 tímar á sólarhring

Svartárkot: 3 stangir seldar saman en hægt að bæta þeirri fjórðu við
Víðiker:  4 stangir, seldar tvær og tvær saman og hægt að bæta þeirri fimmtu við 
Bjarnastaðir:  2 stangir seldar saman

Eingöngu er leyfð fluguveiði

Öllum fiski skal sleppt

Staðbundinn urriði er uppistaðan í veiði í Svartá, þó má fá stöku bleikjur neðan til í ánni.  Á Svartárkotssvæðinu er megnið af fiskinum rúmir 50 cm en í neðri partinum er breytileikinn í stærð meiri. 

Svartárkot: Veiðihús fylgir
Víðiker og Bjarnastaðir:  Veiðihús fylgir ekki en hægt að mögulegt að fá gistingu í Stórutungu og Kiðagili

Í fjölbreyttu lífríki þurfa veiðimenn að búa yfir fjölbreyttu fluguboxi.   Svartar þurrflugur #24 (rykmý), þyngdar púpur,  litskrúðugar votflugur, klassískir strímerar og allt þar á milli.   

Veiðileyfi fást ekki endurgreidd. Kaupandi skuldbindur sig til að skrá alla veiði samviskusamlega í þar til gerða veiðibók.

Veiði lokið Veiðibók Skrá veiði