Svarfaðardalsá

Karfa
Karfan er tóm

Svarfaðardalsá

Stangaveiðifélag Akureyrar
Sími: 841-1588
svak@svak.is
www.svak.is
Svarfaðardalsá

Svarfaðardalsá á upptök sín á Heljardalsheiði, fornri samgöngleið á milli Skagafjarðar og Eyjafjarðar. Dæmigerð dragá, köld með breytilegu vatnsmagni og oft jökullituð á sumrin. Fjölmargar þverár falla í hana, og er helst þeirra að nefna Skíðadalsá.

Svarfaðardalsá er litla systir Eyjafjarðarár og Hörgár,  styttri og vatnsminni en á margan hátt mjög lík hinum tveimur. Áin er að grunninum til bleikjuá, en töluvert af urriða er á neðri svæðum. Veiðisvæðið er um 35 km langt, skipt í 5 svæði og tvær stangir á hverju svæði. Vinsælasti tíminn er fyrstu tvær vikurnar í ágúst, en þá eru bleikjugöngur jafnan í hámarki.

Stangaveiðifélag Akureyrar er söluaðili fyrir Svarfaðardalsá og má finna nánari upplýsingar og fróðleik á vefsíðu félagsins, www.svak.is

Svarfaðardalsá er við utanverðan Eyjafjörð að vestanverðu,  um 44 km norður af Akureyri og rétt sunnan við Dalvík. Frá Reykjavík eru um 410 km.

Svæði 1 er frá heitavatnslögn sem liggur yfir ána og rétt upp fyrir bæinn Skáldalæk - um 4 km langt
Svæði 2 nær upp að gamla brúarstæðinu þar sem Hofsáin rennur í Svarfaðardalsána - um 4 km langt
Svæði 3 nær frá gamla brúarstæðinu þar sem Hofsáin rennur í Svarfaðardalsána og upp að ármótum - um 4 km langt
Svæði 4 er Skíðadalsáin niður að ármótum þar sem Svarfaðardalsáin og Skíðadalsáin sameinast - rúmir 12 km að lengd
Svæði 5 er frá ármótum Skíðadalsár og Svarfaðardalsár og inn að Koti ,  um mitt svæðið kemur Búrfellsáin útí en henni fylgir mest af jökullitnum,  þar fyrir framan er áin tær.  - rúmir 10 km að lengd

Veiðitímabil er frá 1. júní  til 10. september.

Til og með 15. ágúst er veiðitíminn frá kl. 7-13 og 16-22.
Frá og með 16. ágúst til 10. september er veiðitíminn frá kl. 7-13 og 15-21.

Leyfðar eru 10 stangir,  fimm svæði með tvær stangir hvert.

Allt löglegt agn er leyfilegt og enginn kvóti er á afla.

Ekki er veiðihús við ána en góðir gistimöguleikar í nágrenninu.

Litríkar straumflugur og púpur.

Alla veiði á að færa í rafræna veiðibók Svarfaðardalsár á Veiðitorg.is.   Veiðibækur síðustu ára má sjá hér.

Veiðivörður er Marinó Heiðar Svavarsson sími 780-0049.

Veiðileyfi fást ekki endurgreidd. Kaupandi skuldbindur sig til að skrá alla veiði samviskusamlega í þar til gerða veiðibók.

Laus veiðileyfi Veiðibók Skrá veiði