Ólafsfjarðará

Karfa
Karfan er tóm

Ólafsfjarðará

Stangaveiðifélag Akureyrar
Sími: 841-1588
svak@svak.is
www.svak.is
Ólafsfjarðará

Ólafsfjarðará rennur til Ólafsfjarðarvatns í Ólafsfirði. Hún á upptök austast á Lágheiðinni og í fjalllendinu beggja vegna dalsins. Ólafsfjarðará er 5 km löng dragá, nánast alltaf tær, fremur nett og vatnslítil (<5m3), hún er lygn neðantil en nokkuð straumhörð ofantil.

Stangaveiðifélag Akureyrar er söluaðili fyrir Ólafsfjarðará og má finna nánari upplýsingar og fróðleik á vefsíðu félagsins, www.svak.is

Ólafsfjarðará er 3 km innan við Ólafsfjörð, 60 km norðvestur af Akureyri og tæplega 400 km frá Reykjavík (um Héðinsfjarðarágöng).

Ánni er skipt í tvö svæði og er veitt á tvær stangir á hvoru svæði. Veiða þá tvær stangir á efra svæði fyrri vaktina og á neðra svæði seinni vaktina og öfugt.
Merktir veiðistaðir eru um 20 og annað eins er af ómerktum stöðum.

Veitt er frá 15. júlí  til 20. september. Landeigendur hafa þriðjudaga til eigin ráðstöfunar.

Ef keyptar eru báðar stangir á svæði er heimilt að bæta þriðju stönginni við og leyfa 12 ára og yngri að veiða á hana. Sú stöng er kvótalaus en heimilt að færa á hana kvóta af hinum tveim. Aðeins verða seldir heilir dagar og eru svæðaskipti á vaktaskiptum.

Veiðitími er frá kl 07:00 til 13:00 og 16:00 til 22:00 en eftir 15 ágúst er seinni vakt frá 15:00 til 21:00.

Leyfilegt agn er fluga og maðkur.

Kvóti á dag er 12 fiskar á stöng og er ekki heimilt að færa hann á milli stanga eða á milli daga.

Aðallega sjóbleikja, 35-45 cm og eitthvað af urriða.  Auk þess veiðast 2-4 laxar á hverju sumri. Árleg veiði síðustu 10 árin hefur verið 600-1900 fiskar.

Ekkert veiðihús er við ánna.

Alla veiði á að færa í rafræna veiðibók Ólafsfjarðarár á Veiðitorg.is.   Veiðibækur síðustu ára má sjá hér.

Akstur utan slóða og á túnum er stranglega bannaður og viljum við biðja veiðimenn um að ganga vel um og taka allt rusl með sér heim að loknum veiðidegi.

Aðgengi er nokkuð gott og víðast fólksbílafærð en sumstaðar þarf að sjálfsögðu að ganga dálítinn spotta en það er jú hluti af veiðiferðinni að ganga og njóta útiverunnar.

Veiðivörður er Úlfar Agnarsson,  sími 7781544

Veiðileyfi fást ekki endurgreidd. Kaupandi skuldbindur sig til að skrá alla veiði samviskusamlega í þar til gerða veiðibók.

Laus veiðileyfi Veiðibók Skrá veiði