Hrútafjarðará

Veiðiþjónustan Strengir
Smárarimi 30 112 Reykjavík
Sími: 660 6890
Netfang: ellidason(hjá)strengir.is
www.strengir.is
Hrúta ásamt Síká er gjöful laxveiðiá með einungis þrjár stangir!

Hrútafjarðará er frábær á og ein af albestu fluguveiðiám landsins með 10 ára meðalveiði um 400 laxa á aðeins þrjár stangir. Og árið 2017 var ágætt sumar með 384 laxa sem er rétt undir meðalveiði árinnar. Bleikjuveiðin jókst aftur, en 136 sjóbleikjur voru skráðar í veiðibók, sem er það mesta í nokkur ár og virðist sem hún sé að ná sér á strik aftur.

Fjarlægð frá Reykjavík: 160 km.

Hrútafjarðará öll ásamt Síká.

1.júlí – 30.september.

Hægt er að kaupa ýmist 2 eða 3 daga holl.

1. júlí – 15. ágúst kl. 7-13 og kl. 16-22 en frá 16. ágúst til 10. september kl. 15-21 eftir hádegi. Eftir það kl. 14-20 daglega eftir hádegi. Brottfarardag síðasta morguninn skal veitt til kl. 12:00.

 Leyfðar eru 3 stangir.

Veiðireglur: Fluga eingöngu leyfð og er skyllt að sleppa öllum löxum 70 cm og stærri og kvóti er tveir laxar á stöng á dag undir þeim stærðarmörkum og veitt og sleppt eftir það.

551 laxar og 53 sjóbleikjur.

Gisting í veiðihúsinu er innifalin í verði veiðileyfa
Veiðihús fyrir Hrútafjarðará er í landi Bálkastaða neðarlega í ánni að austanverðu á milli Síkár og gamla Staðarskála. Fjögur tveggja manna herbergi eru í húsinu sem eru uppábúinn og með handklæðum við komu veiðimanna sem mega koma um og eftir kl. 14 á komudegi. Því geta átta manns gist í veiðihúsinu. Tvö baðherbergi með sturtu, sérstakt vöðlu-og þurrkherbergi og fiskmóttaka eru í húsinu. Gott eldhús og stofa með stórum arinn setur mikinn svip á allt húsið. Þráðlaust internet er til afnota fyrir gesti. Stór verönd með grilli er við húsið. Veiðimönnum ber að þrífa húsið fyrir brottför en einnig er hægt að kaupa þá þjónustu ef samið er um það fyrirfram. Veiðimenn skulu hafa rýmt húsið kl. 13 á brottfarardegi.

Gisting í veiðihúsinu er innifalin í verði veiðileyfa. Umsjónarmaður er Árni Jón Eyþórsson og hægt er að ná í hann í síma 894 2248 og 451 1148

Rauð Frances, Sunray Shadow, mikrótúpur, hitch túpur, Blue Charm, Collie Dog, Snælda og fl.

Umsjónarmaður/veiðivörður: Árni Jón Eyþórsson í síma 894 2248 og 451 1148.

Væntanlegt Veiðibók Skrá veiði