Grímstungu- og Haukagilsheiði

Karfa
Karfan er tóm

Grímstungu- og Haukagilsheiði

Grímstungu- og Haukagilsheiði

Á Grímstunguheiði má finna afar fjölbreytta og skemmtilega veiðimöguleika. Samanlögð bakkalengd ársvæða á heiðinni er rúmlega 200km.

Efri hluti Vatnsdalsár er vatnsmestur og þar veiðast gjarnan stærstu fiskarnir. Veiða má Vatnsdalsá ofan fossaraðarinnar Rjúkanda, Kerafoss og Skínanda.  

Í kvíslunum sem mynda Vatnsdalsá má einnig gera góða veiði og hefur Strangakvísl oft gefið vel. Einnig er fiskur í Þjófakvísl, Miðkvísl og Kolkukvísl.

Refkelsvatn og Galtavatn gefa oft góða veiði. Fiskurinn er í vötnunum er vænn, meðalþyngd 2.5-3 pund. Fjöldi annarra vatna er á heiðinni og fiskur í þeim flestum. 

Veiðileyfum fylgir gisting í Öldumóðuskála nóttina fyrir veiði. Þar er um að ræða fjallaskála. Skálinn er hitaður með gasi. Þar eru gashellur og rennandi vatn í eldhúsi og vatnssalerni.

Tólf kojur eru í skálanum og fylgir eitt rúm hverju seldu leyfi. 

charfishingiceland.com
info@icelandsalmon.fishing
+354 8993702 

8 stangir eru leyfðar á svæðinu

Í ánum má aðeins veiða með flugu.

Í vötnum má veiða með flugu og spún.

Öllum fiski sem er lengri en 50 cm skal sleppt. Veiðimenn mega taka 3 fiska á stöng á dag sem eru minni en 50 cm.

Vegalengd frá Reykjavík að Öldumóðuskála er u.þ.b. 260km.

Frá Reykjavík er þjóðvegur 1 ekinn í norðurátt þar til komið er að Vatnsdalsá. Ekið er yfir Vatnsdalsá og svo tekin beygja inn Vatnsdalsveg (Nr. 722). 

Allur Vatnsdalurinn er ekinn austan Vatnsdalsár þar til komið er að Álftaskálará. Rétt áður en komið er að Álftaskálará sést vegur sem liggur upp á fjallið og inn á Grímstunguheiði. Sá vegur er ekinn þar til komið er að Öldumóðuskála.

Veiðimenn koma sjálfir með salernispappír, uppþvottalög, svefnpoka og annað. 

Í skálanum á finna potta, pönnur, bolla, glös, hnífapör, diska og skálar. Ekkert grill er á staðnum.

Vinsamlega gangið vel um skálann. Látið vita ef gas er að klárast.

Ágætur vegur er að Öldumóðuskála. Slóðar frá aðalvegi eru ekki góðir og krefjast 33" dekkja.

Laus veiðileyfi Veiðibók Skrá veiði