Fnjóská - Svæði 5 (silungur)

Karfa
Karfan er tóm

Fnjóská - Svæði 5 (silungur)

Fnjóská - Svæði 5 (silungur)

Fnjóská er 117 km að lengd, á upptök sín í Bleiksmýrardrögum og er ein vatnsmesta bergvatnsá landsins. Lax, sjóbleikja, urriði og staðbundin bleikja veiðist í Fnjóská en mest er um lax og sjóbleikju yfir veiðitímann. Veiði hefst 18. júní og stendur til 20. september og eru göngur hvað mestar um miðbik og seinnihluta júlímánaðar.

Veiðistaðir í Fnjóská eru flestir stórir og víðáttumiklir og jafnt rennsli en jafnframt mikill straumur gerir ána að frábærri fluguveiðiá.

Stangaveiðifélagið Flúðir á Akureyri hefur haft Fnjóská á leigu óslitið síðan 1969.

Stangaveiðifélagið Flúðir er söluaðili fyrir Fnjóská og má finna nánari upplýsingar og fróðleik á vefsíðu félagsins, www.fnjoska.is

Fnjóská á upptök sín langt inn á hálendi en helstu veiðisvæðin renna niður Fnjóskadal austan Akureyrar frá bænum Reykjum og síðan meðfram Vaglaskógi og niður í átt að Grenivík.

Veiðisvæði 5 er efsta veiðisvæði og nær það frá merki ofan við Hólmabreiðu upp að ármótum Bakkaár og Fnjóskár rétt neðan við bæinn Reyki.
Merktir veiðistaðir eru nr. 69 - 80 og þaðan er ómerkt upp að Bakkaá.

Veiðitími morgunvaktar er frá kl. 7 til 13 og veiðitími kvöldvaktar er frá kl. 16 til 22 til og með 10. ágúst, en eftir það frá kl. 15 til 21.

Leyfilegt er að veiða á flugu og spón.

Öllum laxi sem er 70 cm eða stærri skal sleppt eða hann settur í klakkistur.

Leyfilegur hámarksafli á hverja stöng er 2 laxar og 4 bleikjur á hálfum degi. Eftir það má veiða á flugu og sleppa. Veiði á urriða er ekki takmörkuð.

Veiðihús fylgir ekki með svæðinu.

Ekið er austur þjóðveg 1 frá Akureyri og rétt áður en komið er að brú við Vaglaskóg er beygt til suðurs í átt að Illugastöðum og eru Illugastaðir um það bil við miðbik veiðisvæðisins.

Alla veiði á að færa í rafræna veiðibók Fnjóskár á Veiðitorg.is. Veiðibækur síðustu ára má sjá hér.

Veiðimenn eru beðnir um að loka alltaf hliðum á eftir sér og aka ekki um tún og ótroðnar slóðir nema með leyfi landeigenda. Einnig eru veiðimenn beðnir um að sýna landeigendum og öðrum veiðimönnum tillitssemi, ganga vel um landið og skilja ekki eftir rusl við ána.

Veiðileyfi fást ekki endurgreidd. Kaupandi skuldbindur sig til að skrá alla veiði samviskusamlega í þar til gerða veiðibók.

Veiði lokið Veiðibók Skrá veiði