Brunná í Öxarfirði - Vorveiði

Karfa
Karfan er tóm

Brunná í Öxarfirði - Vorveiði

Vorveiði í Brunná

Brunná í Öxafirði samanstendur í raun af þremur ám Gilsbakkaá, Tunguá og Smjörhólsá rennur ofan af Laufskálafjallgarði og svæðinu vestan hans. Tunguá og Smjörhólsá eiga upptök sín vestan og sunnan við Hafrafell, þær sameinast og mynda Smjörhólsárfossa. Veiðisvæði Brunnár er um 10 km langt með um 45 merktum veiðistöðum en það skiptist í grunninn í tvö svæði. Neðra svæðið er býsna vatnsmikið og nær frá Smjörhólsárfossi og allt niður til sjávar. Smjörhólsárfossinn er rétt ofan við bæinn Leifsstaði. Efra svæðið, Gilsbakkaá, nær frá téðum fossi og upp að gamla bænum í Gilshaga.

Iceland Fishing Guide sér um sölu vorveiði í Brunná - Matthías Þór Hákonarson 6601642

Brunná er í Öxarfirði, 155 km austur af Akureyri, 64 km austur af Húsavík og 6 km austur af Ásbyrgi.

Í Brunná er veitt á 2 stangir á vorin; Aðeins er leyfð veiði neðan Smjörhólsfossa í Brunná sjálfri og Sandá til sjávar.

1. apríl til 10. júní

Sledar eru stakar stangir í einn dag frá morgni til kvölds.

Eingöngu er veitt á flugu í Brunná og skal öllum fiski sleppt.

Veiðihúsið Hvirfilvellir. Veiðihúsið við Brunná heitir Hvirfilvellir og ber nafn forns bæjarstæðis sem er ekki langt frá veiðihúsinu. Með góðu móti geta 6 til 8 manns gist í húsinu. Í húsinu eru 2 svefnherbergi. Í hverju herbergi fyrir sig er tvöfalt rúm, rúmgott svefnloft, salerni með sturtu og vaski, nútímalegt eldhús, borðstofa og stofa. Í eldhúsinu er að finna öll nútíma tæki til eldamennsku s.s. stóran ísskáp, frysti, örbylgjuofn, eldavél, bökunarofn, ristavél, kaffivél og hraðsuðuketil. Matardiskar, glös, bollar, hnífapör og eggjárn af ýmsum gerðum eru einnig til staðar.

Í húsinu er notarlegur sófi, sófaborð, sjónvarp og geisladiskaspilari ásamt útvarpi. Á svefnloftinu eru tvö rúm. Sitt hvoru megin við rúmin eru 4 svefndýnur. Rúmgóður 120 fm. sólpallur er við húsið og er kjörið að nota hann til útiveru þegar vel viðrar. Jafnframt er stórt og öflugt gas grill að finna á sólpallinum sem og sólhúsgögn.

Frá Akureyri er ekið í austur í gegnum Húsavík, framhjá Ásbyrgi og yfir brúnna yfir Jökulsá á Fjöllum.  Það eru í 5,5 km að malarvegi sem merktur er Hafrafellstunga - skömmu eftir Víðilund.  Sá vegur er ekinn í um 1,5 km og þá beygt til hægri og svo aftur til hægri við fyrsta afleggjara - 200 metrum síðar ætti veiðhúsið að blasa við.

Veiðibók er í veiðihúsinu.

Veiðileyfi fást ekki endurgreidd. Kaupandi skuldbindur sig til að skrá alla veiði samviskusamlega í þar til gerða veiðibók.

Veiðileyfi Veiðibók Skrá veiði