Spurningar og svör


Spurningar og svör

Veiðitorg logoVeiðitorg er nýtt veiðileyfasölukerfi byggt á hugmyndafræði sem er búin að vera lengi í þróun.

Hérna eru nokkrar spurningar og svör við þeim sem okkur datt í hug að hjálpi notendum við að átta sig á því hvernig kerfið virkar.


Afhverju þarf ég að skrá mig inn í kerfið?

Þú þarft aðeins að skrá upplýsingar um þig einu sinni í kerfið hjá okkur, eftir það geturðu skráð þig inn með netfangi og lykilorði. Kerfið veit þá upplýsingarnar um þig sem þýðir að þú þarft ekki að skrifa þær í hvert skipti sem þú kaupir veiðileyfi eða skráir í veiðibækur.

Ég er ekki með netfang, hvað þá?

Sala á veiðileyfum á Veiðitorg.is fer í flestum tilfellum fram með kreditkorti. Kreditkortagáttir fara allar fram á netfang, annars geturðu ekki keypt með kreditkorti. Það eru margar veitur á internetinu sem bjóða frí netföng og má þar nefna til dæmis gmail.com, outlook.com og yahoo.com.

Ég er ekki með kreditkort, hvað þá?

Þá geturðu haft samband við söluaðilann sem þú vilt kaupa veiðileyfi hjá og hann getur selt þér leyfi án kreditkorts í gegn um kerfið og þú gengur frá greiðslu við hann á annan hátt.

Ég keypti veiðileyfi og var ósáttur eftir að ég nýtti mér veiðileyfið, hvað geri ég?

Þú hefur samband við söluaðilann sem er tilgreindur á veiðileyfinu. Veiðitorg er einungis sölukerfi sem býður upp á vörur til sölu frá þriðja aðila og hefur ekkert með vörurnar sjálfar að gera. 

Ég er í veiðifélagi og fæ afslátt af veiðileyfum hjá mínu veiðifélagi, hvernig virkar það? 

Þú skráir þig inn í kerfið og þar gefurðu upp upplýsingar um þig. Þau veiðifélög sem bjóða félagsmönnum upp á afslátt skrá upplýsingar um sína félagsmenn í sérstakan afsláttarlista. Stemmi upplýsingarnar gagnvart þinni skráningu, þá birtist verð til þín með afslætti í stað fulls verðs og það tekið fram að það verð sé með afslætti.

Afhverju er bara hægt að kaupa á einu veiðisvæði í einu?

Veiðitorg er markaðstorg þar sem seljendur geta boðið kaupendum vöru sína. Það má segja að hver söluaðili sé með sinn eigin "korta-posa" og þegar kaupendur greiða fyrir leyfin sína fer greiðslan í gegnum kortafyrirtækið og beint til söluaðilans. Eins eru mismunandi skilmálar, veiðireglur og fyrirkomulag fyrir hvert veiðisvæði sem birtist á veiðileyfinu þegar greitt er fyrir pöntun.

Hvað gerist þegar ég set veiðileyfi í körfuna?

Þú hefur þá 20 mínútur til greiða leyfin, eftir það fara þau í sölu aftur. Takist þér á einhvern hátt að greiða hjá kortagáttinni eftir að tíminn rennur út, þá færðu veiðileyfið ekki sent þar sem annar notandi gæti hafa keypt sama veiðileyfi. Þú færð auðvitað endurgreitt ef svo er. 

Dagurinn sem ég vildi kaupa var ekki í boði en 10 mínútum síðar var hann í boði?

Þegar leyfi er sett í körfu er það frátekið á meðan notandinn er virkur á vefnum - en ef hætt er við kaupin eða ekki gengið frá því innan tímamarkana fer það einfaldlega aftur í sölu. Því getur framboð verið örlítið breytilegt, þannig að leyfi detta inn og út af veiðileyfasíðunni eftir því hversu mikið er um að vera.

Getur eitthvað farið úrskeiðis við kaup? 

Veiðitorg.is er hugbúnaðarkerfi á sama hátt og stýrikerfi og forrit á tölvum, auðvitað er möguleiki á því að eitthvað fari úrskeiðis einhvern tímann þrátt fyrir miklar prófanir og stöðuga eftirfylgni. Gerist það, hafðu þá samband við okkur strax svo við getum brugðist skjótt og vel við og jafnframt lagfært það sem úrskeiðis fór svo það komi ekki fyrir aftur.

Verða fréttir frá veiðisvæðunum á Veiðitorgi?

Veiðitorg er eingöngu sölukerfi og algerlega óháð. Því mun Veiðitorg ekki birta fréttir frá einstaka svæðum eða gera upp á milli söluaðila á Veiðitorgi á einn eða annan hátt. Veiðitorg er með Facebook síðu og þar verður tilkynnt þegar ný veiðileyfi koma inn á vefinn, ýmislegur fróðleikur og einnig minnt reglulega á þau veiðileyfi sem eru í boði.

Eru fleiri veiðisvæði væntanleg á Veiðitorg?

Veiðitorg er sölukerfi sem allir hafa kost á því að nýta sér. Veiðitorg er ekki söluaðili og greiðslur fara ekki í gegn um Veiðitorg heldur beint til söluaðila. Þannig að Veiðitorg er kerfi sem tengir kaupendur og seljendur á miðlægum vettvangi. Allir söluaðilar eru velkomnir í viðskipti.