Með því að ýta á samþykkja eða halda áfram að nota vefinn samþykktir þú skilmála um vafrakökur (cookies). Frekari upplýsingar um vafrakökur má finna á allaboutcookies.org. Samþykkja
- Selfljót -
Karfan er tóm

Selfljót
Veiðifélag Selfljóts
Grétar Mar Óðinsson +354 698-7300
selfljot@selfljot.is https://selfljot.is/
Selfljót Selfljót Selfljót

Selfljót


Austast á Héraðssöndum eru ósar Selfljóts og þar byrjar jafnframt fyrsta veiðisvæði fljótsins. Sjöunda og efsta veiðisvæðið endar í Gilsárgili aðeins 15 km frá Egilsstöðum. Veiðisvæðin eru fjölbreytt og umhverfið síbreytilegt. Dyrfjöll og Beinageitarfjall tróna yfir fallegum veiðistöðum, djúpum gljúfrum og hyljum eða breiðum lygnum.

Í Selfljóti og Gilsá eru fjölbreyttir veiðimöguleikar. Upp ósasvæðin sækja silfraðar bleikjur, þar er boðið upp á breytilegan veiðitíma með möguleika á ógleymanlegri miðnæturveði. Á miðsvæðunum sveimar sprækur urriði og bleikja og í Gilsá og Bjarglandsá má fá stórar bleikjur og lax þegar líður á sumarið. Veiðisvæðin sjö bjóða hvert með sínu móti upp á friðsæld og einstaka náttúrufegurð og viðfangsefni við hæfi, jafnt fyrir þrautþjálfaða fluguveiðimenn og þá sem nota veiðiferðir til að sækja sér hugarró og samverustundir fyrir fjölskylduna.


Veiðireglur

Veiði í Selfljóti hefst fyrstu helgina eftir 20. maí ár hvert.
Einungis er veitt um helgar og þá aðeins á svæði 1. 20. júní en þá er opnað á veiði alla daga á svæðum 1, 2, 4 og 5.
Svæði 3, 6 og 7 opna síðan 1. júlí.
Allri veiði líkur 20. september ár hvert.

Til og með 15. ágúst er veitt frá kl. 7-13 og 15-21, en eftir það frá kl. 7-13 og 14-20.
Ef keyptur er heill dagur á svæði 1 er veiðitími frjáls, þó að hámarki 12 tímar á hverjum degi.

Veitt er á 14 stangir á 7 svæðum, 2 stangir á hverju svæði.

Leyfilegt agn er fluga, maðkur og spúnn.

Sleppiskylda er á öllum laxi 70 sm og stærri. Engar takmarkanir eru á fjölda veiddra fiska. Veiðimenn hvattir að sýna hófsemi þegar kemur að fjölda þeirra fiska er teknir eru úr ánni. Mæst er til þess að sleppa hryggningafiski sé þess kostur.


Veiðihús

Ekkert veiðihús er við Selfjót en víða er gistingu að fá á Héraði.


Annað

Alla veiði á að færa í rafræna veiðibók Selfjóts á Veiðitorg.is

Veiðifélag Selfljóts er söluaðili fyrir Selfjót og og má finna nánari upplýsingar og fróðleik á vefsíðu félagsins, selfljot.is
Formaður veiðifélagsins er Grétar Mar Óðinsson 698-7300,  selfljot@selfljot.is


Skilmálar
Veiðileyfi fást ekki endurgreidd. Kaupandi skuldbindur sig til að skrá alla veiði samviskusamlega í þar til gerða veiðibók.

Væntanlegt Veiðibók Skrá veiði